Nid yw’n gyfrinach bod prinder lletyau rhent addas o ansawdd da ym Mwrdeistref Sirol Caerffili. Os oes gennych chi ddiddordeb mewn rhentu eich eiddo, gallwn ni gynnig amrywiaeth eang o wybodaeth a chymorth i chi a byddwn ni’n gallu eich pwyntio yn y cyfeiriad cywir.
Mae’r tabl isod yn dangos bras incwm posibl ceidwadol y gallech chi fod wedi’i ennill dros y cyfnod pan fu eich eiddo’n wag:
| Incwm posibl ar sail nifer y blynyddoedd y bu’n wag (yn seiliedig ar y Lwfans Tai Lleol rhwng Ebrill 21 – Mawrth 22) |
||
| 2 wely | 3 gwely | |
| 1 flwyddyn | £5,385 | £5,624 |
| 2 flynedd | £10,770 | £11,248 |
| 3 blynedd | £16,155 | £16,872 |
| 4 blynedd | £21,540 | £22,497 |
| 5 mlynedd | £26,925 | £28,121 |
| 6 blynedd | £32,310 | £33,745 |
| 7 mlynedd | £37,695 | £39,370 |
| 8 mlynedd | £43,080 | £44,994 |
| 9 mlynedd | £48,466 | £50,618 |
| 10 mlynedd | £53,851 | £56,243 |
Gall rhentu eich eiddo fod yn ffordd o gael incwm ychwanegol, gwella cyflwr yr eiddo a lleihau’r tebygolrwydd o fandaliaeth a throseddu y mae eiddo gwag yn gallu eu denu’n aml. Os ydych chi’n meddwl am rentu eich eiddo, gall y Cyngor gynnig cyngor i chi ar fod yn landlord, gan gynnwys:
Prosiect dan arweiniad ein tîm Gwasanaethau Tai yw Allweddi Caerffili ac mae’n helpu landlordiaid preifat i ddod o hyd i denantiaid tymor hir ar gyfer eu heiddo, ac mae’n atal digartrefedd hefyd.
I gael rhagor o wybodaeth, ewch i’w gwefan www.caerphillykeys.co.uk/cy/ neu gysylltu â thîm Allweddi Caerffili ar 01443 873564. E-bost AllweddiCaerffili@caerffili.gov.uk
Fe wnaeth Deddf Tai (Cymru) 2014 ei gwneud hi’n ofynnol i landlordiaid fod yn gofrestredig, ac i asiantau a landlordiaid sy’n hunan-reoli ac sy’n gosod a rheoli eiddo ddilyn hyfforddiant a chael trwydded. Rhentu Doeth Cymru sy’n goruchwylio’r gofynion hyn gyda’r nod o godi safonau yn y sector rhent preifat i warchod tenantiaid a helpu landlordiaid ac asiantau da.
Rhaid i bob landlord preifat gofrestru nhw eu hunain a’u heiddo. Os oes landlord eisiau rheoli’r eiddo ei hun, rhaid iddyn nhw hefyd fod wedi’u trwyddedu, dangos eu bod yn ‘gymwys a phriodol’ i ddal trwydded a chwblhau hyfforddiant cymeradwy yn llwyddiannus. Neu, fe all landlord benodi asiant trwyddedig i fod yn gyfrifol am eu heiddo ar eu rhan.
I gael rhagor o wybodaeth am ofynion Rhentu Doeth Cymru, i gofrestru, ymgeisio am drwydded neu gadw lle ar gwrs hyfforddiant, ewch i www.rhentudoeth.llyw.cymru neu gysylltu â 030 0013 3344.
Manteision gosod eich eiddo drwy asiant gosod yw y caiff eich eiddo ei hysbysebu yn effeithiol, maen nhw’n adnabod y farchnad dai leol, byddan nhw’n delio â’r ymweliadau, yn dod o hyd i denantiaid, yn casglu’r rhent; byddan nhw’n gwneud gwaith cynnal a chadw arferol, yn gwneud archwiliadau a gwiriadau diogelwch yn yr eiddo, ac yn delio â’r gwaith papur perthnasol gan sicrhau, ar yr un pryd, eich bod yn cael gwybod am unrhyw newidiadau yn y ddeddfwriaeth. Mae’r nifer o wasanaethau sy’n cael eu darparu yn amrywio rhwng asiantau ac mae’r pris y byddwch chi’n ei dalu yn dibynnu ar lefel y gwasanaeth sydd angen arnoch chi ond bydd, fel arfer, rhwng 10% ac 20% o’r incwm rhent. Er enghraifft, efallai mai dim ond dod o hyd i denant ydych chi am i’r asiant ei wneud, neu efallai eich bod eisiau iddynn nhw ddelio â’r cytundeb rhentu o’r dechrau i’r diwedd. Dylech chi ddewis asiant gosod sy’n aelod o sefydliad proffesiynol, fel Cymdeithas yr Asiantau Gosod Preswyl. Mae’r gyfraith yn mynnu bod pob asiant gosod sy’n delio â’r gwaith o osod neu gadw golwg ar eiddo wedi cofrestru â Rhentu Doeth Cymru fel asiant trwyddedig. Ewch i’r wefan ganlynol ar unwaith i gael gwybodaeth bellach, y costau ac i ddod o hyd i asiant cofrestredig lleol yn eich ardal.
I gael rhagor o wybodaeth am ofynion Rhentu Doeth Cymru, i gofrestru, ymgeisio am drwydded neu gadw lle ar gwrs hyfforddiant, ewch i www.rhentudoeth.llyw.cymru/cym/home/ neu gysylltu â 030 0013 3344.
Os ydych chi’n berchen ar eiddo gwag ac yr hoffech chi ddefnyddio eich eiddo unwaith eto drwy feddiannaeth a rennir neu unedau sengl a bod yr eiddo yn bodloni unrhyw rai o’r meini prawf canlynol, caiff yr eiddo ei gyfrif fel HMO:
Mae gofyn i HMO mwy, penodol hefyd gael eu trwyddedu gan y Cyngor. Mae trwyddedu yn cael ei gyfyngu i HMO sydd ar 3 llawr neu ragor ac sy’n lletya 5 neu ragor o denantiaid, sy’n cynnwys 2 aelwyd neu ragor. (Mae hyn yn ychwanegol at ofynion trwyddedu Rhentu Doeth Cymru fel a welir uchod).
Bydd unrhyw berchennog sydd eisiau addasu ei eiddo gwag yn HMO angen cysylltu â’r adran Gynllunio, Rheoli Adeiladu a’r adran Tai Sector Preifat i gael cyngor a gwybodaeth benodol cyn dechrau ar unrhyw waith.
